Չեմպիոնների լիգա. «Բեշիկթաշը» չի հայտավորել Արաս Օզբիլիսին
17:31 6 սեպտեմբերի, 2016ՈւԵՖԱ-ի կայքը ներկայացրել է Ստամբուլի «Բեշիկթաշի» հայտացուցակը ֆուտբոլի Չեմպիոնների լիգայի 2016/17թթ. մրցաշարի համար:
Հայաստանի հավաքականի 26-ամյա կիսապաշտպան Արաս Օզբիլիսը բացակայում է հայտացուցակից: Դանիացիների դեմ աշխարհի 2018թ. առաջնության ընտրական մրցաշարի առաջին տուրի խաղում նա ստացել էր ծնկի վնասվածք: Օզբիլիսի մոտ ախտորոշվել էր ոսկրային հյուսվածքի այտուցում: Նա արդեն վերականգնողական փուլ է սկսել թուրքական ակումբում, բայց խաղադաշտ վերադառնալու ժամկետը դեռ հայտնի չէ:
Հիշեցնենք, որ Չեմպիոնների լիգայի խմբային փուլում թուրքական ակումբի մրցակիցները լինելու են իտալական «Նապոլին», Կիեւի «Դինամոն» ու Լիսաբոնի «Բենֆիկան»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.