Միհրան Հարությունյան. Ես իմ ազգին այսպիսի ուրախություն էլի կնվիրեմ
03:18 27 օգոստոսի, 2016Այս ամենը տեսնելով, ես հենց այնպես չեմ հեռանա սպորտից: Ես իմ ազգին այսպիսի ուրախություն էլի կնվիրեմ:
Այս մասին ասաց Ռիո-2016 Օլիմպիական խաղերում կողմնակալ մրցավարության պատճառով օլիմպիական ոսկե մեդալից զրկված հունահռոմեական ոճի ըմբիշ Միհրան Հարությունյանը, որը օգոստոսի 26-ի լույս 27-ի գիշերը Ռիո-2016-ի Հայաստանի օլիմպիական չեմպիոն Արթուր Ալեքսանյանի եւ օլիմպիական փոխչեմպիոններ Սիմոն Մարտիրոսյանն ու Գոռ Մինասյանը վերադարձավ հայրենիք:
Հայ երկրպագուները մեծ ցնծությամբ դիմավորեցին Միհրան Հարությունյանին: Ամեն կողմից նրան շնորհավորում էին, գրկախառնվում, ինքնագիր խնդրում, լուսանկարվում:
«Ես շնորհակալ եմ բոլորին: Հուզված եմ: Անչափ շնորհակալ եմ: Ես զգում եմ անսահման սեր իմ ժողովրդի կողմից, իսկ դա ամենալավն ու ամենահաճելին է: Սա կյանք է... Հույզեր ու զգացողություններ... Այս ամենն անհավանական է: Ես չեմ կարող բացատրել, փոխանցել զգացողություններս:
Այն ամենից հետո, ինչ ես տեսա այստեղ եւ ապրեցի, հենց այնպես սպորտից չեմ հեռանա: Ես իմ ազգին այսպիսի մի ուրախություն էլի կնվիրեմ»,- ասաց Միհրան Հարությունյանը:
Հարյուրավոր երկրպագուներ, Միհրան Հարությունյանի անունը վանկարկելով, օլիմպիականի հետեւից ուղեւորվեցին Հանրապետության հրապարակ: Երկրպագուների ոգեւորությունն ու ուրախությունը Միհրան Հարությունյանին հուզեցին:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.