Մյունխենի «Բավարիայի» պաշտպան Բրենոն սեփական տունը հրդեհելու համար դատապարտվել է երեք տարի ինն ամսվա ազատազրկման, հաղորդում է գերմանական Sport1 պարբերականը:
Հետաքննության տվյալներով, բրազիլացի ֆուտբոլիստը ինքն էր տունը հրկիզել` ապահովագրական ընկերությունից դրամական փոխհատուցում ստանալու համար: Նշենք, որ հրդեհից ոչ-ոք չէր տուժել:
Բրենոյին սպառնում էր 15 տարվա ազատազրկում, սակայն նյութերի հետազոտությունից եւ դատաբժշկական փորձաքննությունից հետո դատարանը հարկ չի համարել կիրառել առավելագույն պատժաչափը:
«Ներողություն եմ խնդրում տեղի ունեցածի համար: Ես ինձ շատ վատ եմ պահել եւ ներողություն եմ խնդրում իմ երեխաներից: Դատարանին խոստանում եմ, որ ոչ մի դեպքում չեմ խուսափի պատիժը կրելուց»,- հայտարարել է Բրենոն դատավճռի հրապարակումից հետո:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։