Հարություն Մերդինյան. Մարզվելու եմ եւ փորձելու եմ նվաճել նոր բարձունքներ

13:41   24 օգոստոսի, 2016

Շարունակելու եմ մնալ սպորտում, մարզվելու եմ եւ փորձելու եմ նվաճել նոր բարձունքներ: Մինչեւ մարզումներս վերսկսելը՝ կհանգստանամ եւ կվերականգնեմ վնասվածքներս:

Այս մասին լրագրողների հետ զրույցում ասաց Ռիո-2016-ում սպորտային մարմնամարզության նժույգի վարժությունում 7-րդ տեղ զբաղեցրած, Եվրոպայի գործող չեմպիոն Հարություն Մերդինյանը:

Հիշեցնենք, որ Ռիոյի Օլիմպիական խաղերի սպորտային մարմնամարզության մրցաշարում Հարություն Մերդինյանը նժույգի վարժության եզրափակիչում  ցույց տվեց 14.933 արդյունք:

 «Լարվածությունն ու դաստակի ցավերն այդքան էլ չխանգարեցին ինձ: Ես ամբողջ կյանքում վնասվածքներով եմ մասնակցել մրցումներին: Ինձ թվում է՝ երեւի խնդիրը ոչ լիարժեք առողջանալն էր եւ գերհոգնածությունը: Երեւի ուժերս սպառվել էին եւ դա էր պատճառը, որ չկարողացա ուժերս լիարժեք հավաքել եւ մաքուր կատարել վարժությունս»,- ասաց Հարություն Մերդինյանը:

Նժույգի վարժության օլիմպիական որակավորման փուլում 2015թ. աշխարհի առաջնության բրոնզե մեդալակիրը հավաքել էր 15.583 միավոր եւ զբաղեցրել չորրորդ տեղը:

Լուսինե Շահբազյան



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։