L' Equipe. Լորան Բլանն ու Նոել Լե Գրեն չկարողացան լեզու գտնել
18:54 4 հուլիսի, 2012Եվրո-2012-ում Ֆրանսիայի հավաքականի ոչ այնքան հաջող մրցելույթներից հետո ֆրանսիական մամուլին, եվ ամբողջ երկրին հուզում է ազգային հավաքականի ապագան:
Մասնավորապես, ամենաազդեցիկ պարբերականներից մեկը` L’Equipe-ը նշում է, որ Ֆրանսիայի ֆուտբոլի ֆեդերացիայի (ՖՖՖ) նախագահ Նոել Լե Գրեն խախտել է լռությունը եւ բացատրել Ֆրանսիայի հավաքականի գլխավոր մարզիչի պաշտոնից Լորան Բլանի հրաժարականի պատճառները:
Երեքշաբթի Նոել Լե Գրեն մանրամասն անդրադարձել է բազմաթիվ կարեւոր թեմաների, ինչպիսիք են նոր մարզիչի նշանակումը, Նասրիի եւ նրա խաղընկերների հնարավոր պատժամիջոցները եւ այլն: Սակայն նա միայն հպանցիկ է խոսել մեկ այլ ցավոտ թեմայի` Լորան Բլանի հրաժարականի մասին:
Ընդհանուր առմամբ, Լորան Բլանի հրաժարականը պատճառաբանվել է թիմի կառավարման հարցերում փոխըմբռնման բացակայությամբ: Խնդիրը կարելի էր լուծել մինչեւ Եվրո-2012-ի սկիզբը, երբ Լե Գրեն Բլանին առաջարկել է երկարաձգել պայմանագիրը մինչեւ 2014 թվականը: Սակայն Լորանը վաղաժամ է համարել մինչեւ մրցաշարի սկիզբը շոշափել այդ թեման, իսկ Եվրոյում անհաջողությունից հետո որոշում է կայացրել չերկարաձգել պայմանագիրը:
Ինչեւէ, Լե Գրեն Լորան Բլանին խորը երախտագիտություն է հայտնել կատարված աշխատանքի համար. «Բլանը ստանձնեց աշխատանքը թիմի համար բավական բարդ շրջանում, եւ հասավ առաջընթացի: Ես առանձնապես դժգոհություն չունեմ նրանից, պարզապես մեր մոտ միասին աշխատելու ցանկություն չկա»,- ասել է նա:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.