Ֆուտբոլի եվրոպական Չեմպիոնների լիգայում օգոստոսի 24-ին կանցկացվեն որակավորման չորրորդ փուլի վերջին 5 պատասխան խաղերը:
Խոսեպ Գվարդիոլայի գլխավորած «Մանչեսթեր Սիթին» կընդունի ռումինական «Ստյաուային», որի դարպասը 5 անպատասխան գնդակ է ուղարկել Բուխարեստում։
Հիշեցնենք, որ այս փուլում հաղթողները նվաճելու են Չեմպիոնների լիգայի խմբային փուլի ուղեգիր, իսկ պարտվողները պայքարը կշարունակեն Եվրոպայի լիգայի խմբային մրցաշարում: Այս խաղերից հետո հայտնի կդառնան խմբային փուլի բոլոր մասնակիցները։
Չեմպիոնների լիգա, որակավորման չորրորդ փուլ, պատասխան խաղեր
«Մանչեսթեր Սիթի» (Անգլիա) - «Ստյաուա» (Ռումինիա)՝ 22:45 (Երեւանի ժամանակով) (առաջին խաղ՝ 5։0)
«Ռոստով» (Ռուսաստան) - «Այաքս» (Հոլանդիա)՝ 22:45 (առաջին խաղ՝ 1։1)
«Զալցբուրգ» (Ավստրիա) - «Դինամո Զագրեբ» (Խորվաթիա)՝ 22:45 (առաջին խաղ՝ 1։1)
ԱՊՕԵԼ (Կիպրոս) - «Կոպենհագեն» (Դանիա)՝ 22:45 (առաջին խաղ՝ 0։1)
«Բորուսիա Մյոնխենգլադբախ» (Գերմանիա) - «Յանգ Բոյզ» (Շվեյցարիա)՝ 22:45 (առաջին խաղ՝ 3։1)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։