Ռիոյում ավարտված 31-րդ ամառային Օլիմպիական խաղերում Ռուսաստանի ներկայացուցիներից որեւէ մեկի մոտ դոպինգ չի հայտնաբերվել: Այդ մասին հայտարարել է Ռիոյում Ռուսաստանի պատվիրակության ղեկավար Իգոր Կազիկովը, փոխանցում է Rsport-ը:
Ռուսաստանցի մարզիկները հանձնել են արյան եւ մեզի 360 նմուշ: Եղել են մարզիկներ, որոնք մի քանի անգամ են անցել դոպինգ ստուգում:
Ռուսաստանը նվաճել է 19 ոսկե, 18 արծաթե եւ 19 բրոնզե մեդալ՝ ոչ պաշտոնական հաշվարկում գրավելով չորրորդ տեղը՝ զիջելով ԱՄՆ-ին, Մեծ Բրիտանիային եւ Չինաստանին:
Խաղերից առաջ Համաշխարհային հակադոպինգային գործակալությունը Ռուսաստանին մեղադրում էր դոպինգի կիրառման եւ քողարկման պետական համակարգ ունենալու մեջ եւ ՄՕԿ-ից պահանջում էր այդ երկրին զրկել Խաղերի մասնակցությունից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։