Ռիոյի Օլիմպիական խաղերի ռուսաստանցի չեմպիոն, գեղարվեստական մարմնամարզուհի Մարգարիտա Մամունի հայրը խոստացել է, որ Խաղերից հետո դուստրը կտեղափոխվի Բանգլադեշ եւ կներկայացնի այդ երկիրը: Այդ մասին հայտնել է Բանգլադեշի արտաքին գործերի նախարար Շահրիյար Ալամը, փոխանցում է tass.ru-ն:
Նախարարը ֆեյսբուքյան գրառումով «Բենգալյան վագրուհուն խոստացել է շատ ավելի մեծ ծաղկեփունջ»:
Մարգարիտա Մամունի հայրը բանգլադեշցի է, մայրը՝ ռուս: Մամունի երկրպագուները նրան անվանակոչել են «Բենգալյան վագրուհի»:
Բանգլադեշի արտգործնախարարը, նշելով ծաղկեփնջի մասին, ակնարկել է անցած տարի Եվրոպայի առաջնության չեմպիոնի տիտղոսը նվաճելուց հետո Մոսկվայում տեղի ունեցած երեկոյի ժամանակ սպորտի նախարարից Մամունի ստացած համեստ ծաղկեփունջը:
20-ամյա Մարգարիտա Մամունը Սանկտ Պետերբուրգի Ֆիզկուլտուրայի, սպորտի եւ առողջության համալսարանի ուսանողուհի է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։