Ռիո-2016. Միշա Ալոյան. Չեմ պատրաստվում հանձնվել
01:06 22 օգոստոսի, 2016Ռուսաստանը ներկայացնող Միշա Ալոյանը Ռիո դե Ժանեյրոյում ավարտին մոտեցող ամառային Օլիմպիական խաղերի բռնցքամարտի մրցաշարում արծաթե մեդալ նվաճելուց հետո կիսվել է տպավորություններով:
«Ցավալի է, որ չկարողացա հաղթել: Ցանկանում էի արդարացնել մարզիչիս սպասելիքները: Սակայն շնորհակալ եմ Աստծուն, որ ինձ հնարավորություն տվեց նվաճել արծաթե մեդալ: Ինչ վերաբերում է Տոկիո-2020 Օլիմպիական խաղերին մեկնելուն, ապա ես դեռ 28 տարեկան եմ եւ չեմ պատրաստվում հանձնվել: Տեսնենք:
Մեր բռնցքամարտում չկան թիմեր: Մենք ընկերություն անում ենք տղաների հետ, սակայն միասնականություն չկա: Հուսով եմ՝ բռնցքամարտի ֆեդերացիան կզբաղվի այդ հարցով: Չէի ցանկանա քննարկել դա: Այս Օլիմպիական խաղերում ոչինչ չեմ ընկալում: Իհարկե, կոլեկտիվի ներսում խոսում են վատ մթնոլորտի մասին, բայց ես փորձում եմ խուսափել դրանից»,- Ալոյանի խոսքը մեջբերում է «Чемпионат»-ը:
Հիշեցնենք, որ 52 կգ քաշային կարգի եզրափակիչում հայ բռնցքամարտիկը 0:3 հաշվով պարտվել էր Ուզբեկստանի ներկայացուցիչ Շախոբիդին Զոիրովին եւ բավարարվեց արծաթե մեդալով: 27-ամյա Միշա Ալոյանը ծնվել է Հայաստանի Բամբակաշատ գյուղում, այժմ ապրում է Նովոսիբիրսկում: Լոնդոն-2012 Օլիմպիական խաղերում նա արժանացել էր բրոնզե մեդալի:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.