Ռիո-2016. Միշա Ալոյանը չնվաճեց ոսկե մեդալ

22:33   21 օգոստոսի, 2016

Ռուսաստանը ներկայացնող Միշա Ալոյանը դարձավ Ռիո դե Ժանեյրոյում ավարտին մոտեցող ամառային Օլիմպիական խաղերի փոխչեմպիոն:

52 կգ քաշային կարգի եզրափակիչում հայ բռնցքամարտիկը 0:3 հաշվով պարտվեց Ուզբեկստանի ներկայացուցիչ Շախոբիդին Զոիրովին եւ բավարարվեց արծաթե մեդալով: Այս քաշային կարգում բրոնզե մեդալակիրներ դարձան վենեսուելացի Յոել Ֆինոլն ու չինացի Ջիանգուն Հուն:

Հիշեցնենք, որ 27-ամյա Միշա Ալոյանը ծնվել է Հայաստանի Բամբակաշատ գյուղում, այժմ ապրում է Նովոսիբիրսկում: Լոնդոն-2012 Օլիմպիական խաղերում նա արժանացել էր բրոնզե մեդալի:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։