Նեյմար. Այլեւս Բրազիլիայի հավաքականի ավագը չեմ
17:25 21 օգոստոսի, 2016«Բարսելոնայի» եւ Բրազիլիայի հավաքականի հարձակվող Նեյմարը Ռիո դե Ժանեյրոյում ավարտին մոտեցող ամառային Օլիմպիական խաղերի ֆուտբոլի մրցաշարի հաղթողի տիտղոսը նվաճելուց հետո հայտնել է, որ հրաժարվում է ազգային թիմի ավագի թեւկապից:
«Այսօր ես չեմպիոն դարձա ավագի թեւկապով: Դա մեծ պատիվ էր ինձ համար, սակայն ես այլեւս Բրազիլիայի հավաքականի ավագը չեմ: Դա հաղորդագրություն է Բրազիլիայի հավաքականի նոր գլխավոր մարզիչ Տիտեի համար, որպեսզի նա գտնի նոր ավագ»,- Նեյմարի խոսքը մեջբերում է Channel News Asia-ն:
Հիշեցնենք, որ Ռիո-2016-ի եզրափակիչում բրազիլացիները հետխաղյա 11 մետրանոցներով հաղթել էին Գերմանիայի հավաքականին: Հիմնական ժամանակն ավարտվել էր 1:1 հաշվով: Խաղի ընթացքում Նեյմարը դարձել էր գոլի հեղինակ, 11 մետրանոցների ժամանակ խփել էր բրազիլացիների հաղթական գնդակը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.