Արթուր Ալեքսանյան. Այս մեդալի արժեքն ու գինն ավելի լավ կհասկանամ, երբ վերադառնամ հայրենիք
20:36 20 օգոստոսի, 2016Ռիոյի Օլիմպիական խաղերի չեմպիոմ, հունահռոմեական ոճի ըմբիշ, անկախ Հայաստանի երկրորդ օլիմպիական չեմպիոն Արթուր Ալեքսանյանը մեկնաբանել է իր հաղթանակը:
«Օր-օրի ավելի ուրիշ ձեւ եմ պատկերացնում օլիմպիական ոսկու արժեքը: Իրոք, ինձ թվում է՝ երազի մեջ եմ: Ավելի լավ այս մեդալի արժեքն ու գինը ես կհասկանամ, երբ վերադառնամ հայրենիք, երբ ազգիս, հարազատներիս, ընկերներիս կտեսնեմ:
Ոչ մի հաղթանակ չի կարելի համեմատել: Յուրաքանչյուրի համար էլ շատ դժվար օրեր են եղել, դժվար մարզումներ են եղել, յուրաքանչյուրն էլ բարդ է:
Իրոք, չէի հասկանում՝ ինչ է կատարում: Երբ տեսագրությունը դիտեցի, այդ ժամանակ զգացի, որ իրոք արցունքներս, հույզերս չէի կարողանում զսպել»,- Արթուր Ալեքսանյանն ասել է Հանրային հեռուստատեսության եթերում:
Գյումրեցի ըմբիշը, ոսկե մեդալ նվաճելով Ռիո դե Ժանեյրոյում շարունակվող ամառային Օլիմպիական խաղերի հունահռոմեական ոճի ըմբշամարտի մրցաշարի 98 կգ քաշային կարգում, դարձավ Հայաստանի պատմության 14-րդ օլիմպիական չեմպիոնը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.