Ռիոյի Օլիմպիական խաղերի մասնակից, ռուսաստանցի ըմբիշ Իննա Տրաժուկովն մտադիր է դիմել դատախազություն եւ պատասխանատվության կանչել Ռուսաստանի ըմբշամարտի ֆեդերացիայի նախագահ Միխայիլ Մամիաշվիլիին, որն անսթափ վիճակում, հրապարակային ստորացրել է մարզուհուն: Տրաժուկովան 63 կգ քաշայիննների բրոնզե մեդալի համար գոտեմարտում պարտվել էր լեհ Մոնիկա Միխալիկին:
«Գոտեմարտից հետո ինձ հանդիպեց ֆեդերացիայի նախագահ Միխայիլ Մամիաշվիլին, որը ալկոհոլի ազդեցության տակ էր: Նա անպատվեց ինձ, երկու անգամ հարվածեց դեմքիս: Այդ ամենը տեղի է ունեցել վկաների ներկայությամբ:
Ռուսաստան վերադառնալուց հետո դիմելու եմ դատախազություն, միջադեպի մասին հայտնելու եմ նաեւ Ռուսաստանի սպորտի նախարարին: Ես ստրկությունում չեմ, որ պարտությունից հետո ինձ հետ այդպես վարվեն: Ինձ հրապարակային ստորացրել են»,- Իննա Տրաժուկովայի խոսքը մեջբերում է Sport-express-ը:
Օգոստոսի 18-ին էլ Մամիաշվիլին հայտարարել էր, որ Ռիոյի Օլիմպիական խաղերի եզրափակիչներում պարտություն կրած եւ արծաթե մեդալներ նվաճած ռուսաստանցիներ Նատալյա Վորոբյովան եւ Վալերիա Կոբլովան «ոչնչություն» են:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։