Ռիոյի Օլիմպիական խաղերում ազատ ոճի ըմբշամարտի 57 կգ քաշայինների 1/8 եզրափակիչում Հայաստանի ներկայացուցիչ Գառնիկ Մնացականյանին հաղթած իրանցի Հասան Ռահիմին կիսաեզրափակիչում 5:10 հաշվով պարտվեց ճապոնացի Ռեի Հիգուչիին եւ կպայքարի բրոնզե մեդալի համար:
27-ամյա Գառնիկ Մնացականյանը զրկվեց սփոփիչ գոտեմարտերում բրոնզե մեդալի համար պայքարը շարունակելու հնարավորությունից: Նա կստանար այդ իրավունքը, եթե Ռահիմին դուրս գար եզրափակիչ:
Գառնիկ Մնացականյան, ըմբշամարտ, ազատ ոճ, 57 կգ քաշային կարգ
Ծնվել է 1989 թվականի նոյեմբերի 7-ին Արարատի մարզի Ազատաշեն գյուղում։ Ամուսնացած է, ունի որդի։
Անձնական մարզիչն է Արշակ Հայրապետյանը։
Գառնիկ Մնացականյանը մեծահասակների կազմում մասնակցել է միայն միջազգային մրցաշարերի, Եվրոպայի, աշխարհի առաջնությունների դեռեւս չի մասնակցել։ Սերբիայում անցկացված օլիմպիական վարկանիշային մրցաշարի արծաթե մեդալակիր է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։