Լոնդոն-2012. Հայ օլիմպիականները. Հովհաննես Վարդերեսյան
18:39 4 հուլիսի, 2012NEWS.am Sport-ը ներկայացնում է 30-րդ Օլիմպիադայի Խաղերում Հայաստանի 25 ներկայացուցիչներին։
Հովհաննես Վարդերեսյան, հունահռոմեական ոճի ըմբշամարտ, 66 կգ քաշային կարգ
Ծնվել է 1989թ. փետրվարի 12-ին։ Ըմբշամարտով սկսել է զբաղվել 1996 թվականից։
Պատանիների Եվրոպայի առաջնության բրոնզե մեդալակիր է (2006), երիտասարդների աշխարհի առաջնության բրոնզե մեդալակիր, Oլիմպիական խաղերի ուղեգիրը նվաճել է 2012 թվականի մայիսի 4-ից 6-ը Ֆինլանդիայում կայացած վարկանիշային մրցաշարում։
Անհատական մարզիչն է Հայաստանի վաստակավոր մարզիչ Հարություն Խաչատրյանը։ Հավաքականի մարզիչն է Լեւոն Ջուլֆալակյանը։
Օլիմպիական գորգ դուրս կգա օգոստոսի 7-ին։
Հովհաննես Վարդերեսյան
«Առաջին անգամ եմ մասնակցելու Օլիմպիական խաղերի եւ հիմա արդեն
կարող եմ ասել, որ այս մրցաշարը տարբերվելու է աշխարհի եւ Եվրոպայի առաջնություններից: Նույնիսկ, դժվարանում եմ ասել, թի ինչո՞ւ: Մի բան կարող եմ վստահեցնել: Ֆինլանդիայում օլիմպիական ուղեգիր նվաճելուց հետո սկսել եմ ամենայն լրջությամբ նախապատրաստվել Լոնդոնի Խաղերին եւ մեծ
ցանկություն ունեմ մարզիչներիս սպասելիքները արդարացնել եւ մեր երկրի համար մեդալ նվաճել:
Լեւոն Ջուլֆալակյան
«Օլիմպիական խաղերի նախապատրաստությունը սկսվել է Եվրոպայի առաջնության ավարտից հետո: Միաժամանակ մենք ձգտում էինք Օլիմպիական խաղերի վարկանիշներ ձեռք բերել: Հովհաննեսը վերջինն էր մեր հավաքականից, ով իրավունք ստացավ մասնակցել օլիմպիադային:
Մրցումային պրակտիկան ապահովելու համար էլ նա մասնակցեց Իսպանիայում կայացած միջազգային մրցաշարին եւ զբաղեցրեց երրորդ տեղը: Հիմա շատ կարեւոր է մոտենալ օլիմպիական մրցաշարին մարզավիճակը առավելագույն բարձրության հասնելու պահին: Հուսով եմ երիտասարդ ըմբիշը կկարողանա
ցուցադրել իր ամբողջ հնարավորությունները եւ հասնել մեծ հաջողության»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.