Ռիո-2016. Դոպինգի համար վերցրած 4045 նմուշից 700 վերստուգվել է

22:28   18 օգոստոսի, 2016

Ռիոյ Օլիմպիական խաղերի ընթացքում արդեն դոպինգ թեստ է անցել 4045 մարզիկ։ Մեզի եւ արյան նմուշներից 700-ը վերստուգվել է։ Այդ մասին հայտնել է Միջազգային օլիմպիական կոմիտեի ներկայացուցիչ Մարկ Ադամսը։

«Այս խաղերում դոպինգային վերահսկողության որակն ավելի բարձր է։ Նմուշների քանակը կլինի նույնը, ինչը 2012թ. Լոնդոնի Օլիմպիական խաղերում։ Մենք անցկացնում ենք նաեւ լրացուցիչ հետազոտություններ։ Արդեն վերստուգվել է 700 նմուշ»,- Ադամսի խոսքը մեջբերում է BBC-ն։

Հիշեցնենք, որ Համաշխարհային հակադոպինգային գործակալությունն այս տարի մի շարք մարզիկների զրկեց Ռիոյի օլիմպիական ուղեգրերից 2008թ. Պեկինի եւ 2012թ. Լոնդոնի Խաղերի ժամանակ վերցրած մեզի եւ արյան նմուշների հիման վրա։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։