Ռիո-2016. Ֆրանսիայի հավաքականի լեգենդը հեռացավ
16:20 18 օգոստոսի, 2016Ֆրանսիայի հավաքականի լեգենդար բասկետբոլիստ Տոնի Պարկերը Ռիո դե Ժանեյրոյում ընթացող ամառային Օլիմպիական խաղերի տղամարդկանց մրցաշարի քառորդ եզրափակիչում իսպանացիներից կրած պարտությունից հետո հայտարարել է, որ դա իր վերջին մրցաշարն է ազգային թիմի կազմում, հաղորդում France 24-ը։
Ամերիկյան «Սան Անտոնիոյի» 34-ամյա խաղարկողը 2001 թվականից է խաղում Ֆրանսիայի հավաքականում, որի կազմում 2005-ին ու 2015-ին դարձել է Եվրոպայի առաջնության բրոնզե մեդալակիր, ինչպես նաեւ ոսկե մեդալ է նվաճել Եվրոբասկետ-2013-ում ու արծաթե մեդալի է արժանացել Եվրոբասկետ-2011-ում։
Ռիո-2016-ի քառորդ եզրափակիչում ֆրանսիացիները 67։92 հաշվով պարտվել էր Իսպանիային, որը կիսաեզրափակիչում կհանդիպի ԱՄՆ-ի հավաքականին։ Կիսաեզրափակիչի մյուս զույգը կազմել են Ավստրալիան ու Սերբիան:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.