Ռիո-2016. Ինչպես է Ուսեյն Բոլթը «զվարճանում» եզրագիծը հատելիս (ֆոտո)
15:55 18 օգոստոսի, 20167-ակի օլիմպիական չեմպիոն Ուսեյն Բոլթը Ռիո դե Ժանեյրոյում շարունակվող ամառային Օլիմպիական խաղերի 200 մետր վազքի կիսաեզրափակիչի եզրագծի մոտ ցուցադրել է իր գերիշխանությունն այս վազքատարածությունում: Ջամայկացի արագավազորդը վերջնամասում ժպտալով նվազեցրել է արագությունը, սակայն երկրորդ տեղը գրաված կանադացի Անդե Դե Գրասը չի կարողացել շրջանցել նրան:
Հիշեցնենք, որ կիսաեզրափակիչում աշխարհի 11-ակի չեմպիոնը գրանցել էր լավագույն արդյունքը՝ 19,78 վայրկյան:
Այս վազքատարածությունում Բոլթի գլխավոր մրցակիցներից ամերիկացի Ջաստին Գեթլինը եւ ջամայկացի Յոհան Բլեյքը չէին հաղթահարել կիսաեզրափակիչի արգելքը: 200 մետր վազքի եզրափակիչը կկայանա օգոստոսի 18-ի գիշերը:
Հիշեցնենք, որ 100 եւ 200 մետր վազքի աշխարհի ռեկորդակիր Բոլթը Ռիո-2016-ում արդեն ոսկե մեդալ է նվաճել 100 մետր վաքում: Դրանից հետո նա նշել էր, որ պետք է աշխարհի ռեկորդ սահմանի 200 մետրում: 200 մետրի աշխարհի ռեկորդը եւս պատկանում է նրան՝ 19,19 վայրկյան:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.