Ռիո-2016. 13-րդ օրը կվիճարկվի 24 տիտղոս, Հայաստանը դարձյալ չունի մասնակից
11:04 18 օգոստոսի, 2016Ռիո դե Ժանեյրոյում շարունակվող ամառային Օլիմպիական խաղերում օգոստոսի 18-ին կվիճարկվի մեդալների 24 հավաքածու: Երկրորդ օրն անընդմեջ Հայաստանը ներկայացուցիչ չունի:
Մրցումային 12-րդ օրվանից հետո Հայաստանը մեկ ոսկե ու 3 արծաթե մեդալով 36-րդն է մեդալային հաշվարկում, որի առաջատարի դիրքը պահպանում են ամերիկացիները: ԱՄՆ-ի մարզիկները նվաճել են 30 ոսկե, 32 արծաթե ու 31 բրոնզե մեդալ:
Երկրորդ տեղում գտնվող բրիտանացիներն ունեն 19 ոսկե, 19 արծաթե եւ 12 բրոնզե մեդալ, իսկ երրորդ տեղում է Չինաստանը՝ 19 ոսկի, 15 արծաթ, 20 բրոնզ: Ռուսները չորրորդն են 12 ոսկե, 14 արծաթե ու 15 բրոնզե մեդալով: Ադրբեջանը 3 արծաթե եւ 5 բրոնզե մեդալով 55-րդ տեղում է:
Հիշեցնենք, որ Ռիո-2016-ում Հայաստանի վերջին 4 ներկայացուցիչներ Գառնիկ Մնացականյանը (57 կգ), Դավիթ Սաֆարյանը (65 կգ), Գեորգի Կետոեւը (97 կգ) եւ Լեւան Բերիանիձեն (125 կգ) հանդես կգան ազատ ոճի ըմբշամարտի մրցաշարում, որը մեկնարկելու է օգոստոսի 19-ին:
Ռիո-2016. 13-րդ օր, եզրափակիչներ
16:08 (Երեւանի ժամանակով). Թիավարություն, տղամարդիկ, երկտեղանի բայդարկա, 1000 մետր
16:23. Թիավարություն, տղամարդիկ, մեկտեղանի կանոե, 200 մետր
16:47. Թիավարություն, տղամարդիկ, երկտեղանի բայդարկա, 200 մետր
17:11. Թիավարություն, կանայք, մեկտեղանի բայդարկա, 500 մետր
18:00. Տրիատլոն, տղամարդիկ
18:50. Բադմինտոն, կանայք, զուգախաղ
19:00. Աթլետիկա, տղամարդիկ, արգելավազք, 400 մետր
20:05. Առագաստանավային սպորտ, կանայք, 470
20:50. Առագաստանավային սպորտ, տղամարդիկ, 470
21:35. Առագաստանավային սպորտ, տղամարդիկ, 49
22:20. Առագաստանավային սպորտ, կանայք, 49 FX
22:30. Բռնցքամարտ, տղամարդիկ, 81 կգ
23:00. Ջրացատկ, կանայք, 10 մետր
00:00. Մականախաղ, տղամարդիկ
00:30. Ազատ ոճի ըմբշամարտ, կանայք, 53 կգ
1:15. Ազատ ոճի ըմբշամարտ, կանայք, 63 կգ
2:00. Ազատ ոճի ըմբշամարտ, կանայք, 75 կգ
3:30. Աթլետիկա, տղամարդիկ, գնդի հրում
4:00. Թաեքվոնդո, կանայք, 57 կգ
4:10. Աթլետիկա, կանայք, նիզակի նետում
4:15. Թաեքվոնդո, տղամարդիկ, 68 կգ
4:56. Աթլետիկա, տղամարդիկ, տասնամարտ
5:15. Աթլետիկա, կանայք, արգելավազք, 400 մետր
5:30. Աթլետիկա, տղամարդիկ, 200 մետր
6:59. Լողափնյա վոլեյբոլ, տղամարդիկ
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.