Եվրոպական օլիմպիական կոմիտեի նախագահը ձերբակալվել է Ռիոյում

20:47   17 օգոստոսի, 2016

31-րդ ամառային Օլիմպիական խաղերի տոմերի անօրինական վաճառքի համար Ռիոյի ոստիկանությունը ձերբակալել է Եվրոպական օլիմպիական կոմիտեի նախագահ, Միջազգային օլիմպիական կոմիտեի գործադիր կոմիտեի անդամ, Իռլանդիայի օլիմպիական կոմիտեի ղեկավար Պատրիկ Հիկեին, հաղորդում է ESPN-ը:

Միջազգային օլիմպիական կոմիտեն հայտարարել է, որ կհետեւի անմեղության կանխավարկածի սկզբունքին, նաեւ կհամագործակցի իրավապահ մարմինների հետ՝ օժանդակելով հետաքննությանը:

Ոստիկանությունը հայտարարել է, որ Պատրիկ Հիկեին կասկածում են երրորդ կողմի միջոցով Խաղերի ամենադիտարժան մրցումների հազարից ավելի տոմս վաճառելու մեջ: Այդ միջադեպից հետո 71-ամյա Պատրիկ Հիկեն առողջական խնդիրների պատճառով տեղափոխվել է հիվանդանոց:

Ռիոյի Օլիմպիական խաղերը պատմության մեջ կմտնեն նաեւ կիսադատարկ տրիբունաներով:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։