Ռիո-2016. Երկրպագուները սուլել են ոսկե մեդալ նվաճած ռուս բռնցքամարտիկին

13:47   16 օգոստոսի, 2016

Ռիո դե Ժանեյրոյում շարունակվող ամառային Օլիմպիական խաղերի բռնցքամարտի մրցաշարի 91 կգ քաշային կարգի եզրափակիչից հետո երկրպագուները սուլել են ոսկե մեդալ նվաճած ռուս Եվգենի Տիշչենկոյին: Ղազախ Վասիլի Լեւիտի նկատմամբ հաղթանակից հետո ռուս մարզիկը մեկնաբանել է այդ միջադեպը:

«Շատ ցավալի է, որ երկրպագուներն այդպես արձագանքեցին: Ցավալի է, որ ինձ սուլեցին: Եթե հաղթանակն ինձ տվեցին, ուրեմն ես արժանի էի դրան: Մենք սպասում էինք մրցավարների ցանկացած որոշման: Ես հարգում եմ ե՛ւ երկրպագուներին, ե՛ւ մրցակցիս»,- Եվգենի Տիշչենկոյի խոսքը մեջբերում է «ТАСС»-ը:

Հիշեցնենք, որ Եվգենի Տիշչենկոն նվաճել էր ռուսների 11-րդ ոսկե մեդալը Ռիո-2016-ում:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։