Ռիո դե Ժանեյրոյում շարունակվող ամառային Օլիմպիական խաղերի կանանց 400 մետր վազքում ոսկե մեդալ է նվաճել Բահամյան կղզիները ներկայացնող Շոնա Միլերը: Նա մրցատարածությունը հաղթահարել է 49,44 վայրկյանում:
Հատկապես տպավորիչ է ստացվել մարզուհու՝ եզրագիծը հատելու պահը: Ամբողջ մրցատարածության ժամանակ Շոնա Միլերը եղել է առաջատարի դիրքում, սակայն վերջին պահին նրան ցանկացել է շրջանցել ամերիկուհի Էլիսոն Ֆելիքսը: Վերջնամասում Միլերը ձեռքերն առաջ նետվել է դեպի եզրագիծը եւ գրավել առաջին տեղը:
Էլիսոն Ֆելիքսը 49,51 վայրկյան արդյունքով նվաճել է արծաթե մեդալ, իսկ բրոնզե մեդալակիր է դարձել ջամայկացի Շերիկա Ջեքսոնը՝ 49,85 վայրկյան:
Աթլետիկայի մրցումների երեկոյան մրցահերթում ոսկե մեդալ են նվաճել նաեւ Քենիայի եւ Բրազիլիայի մարզիկները:
Ռիո-2016, աթլետիկա, կանայք, 400 մետր վազք
1. Շոնա Միլեր (Բահամյան կղզիներ) - 49,44 վայրկյան
2. Էլիսոն Ֆելիքս (ԱՄՆ) - 49,51
3. Շերիկա Ջեքսոն (Ջամայկա) - 49,85
Տղամարդիկ, 800 մետր վազք
1. Դավիդ Լեկուտա Ռուդիշա (Քենիա) - 1.42,16
2. Տաուֆիկ Մակլուֆի (Ալժիր) - 1.42,61
3. Կլեյտոն Մյորֆի (ԱՄՆ) - 1.42,93
Տղամարդիկ, ձողացատկ
1. Տյագո դա Սիլվա (Բրազիլիա) - 6,03
2. Ռենո Լեւիլյենի (Ֆրանսիա) - 5,98
3. Գեւին Սեմ Կենդրիքս (ԱՄՆ) - 5,85
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։