Ռիո-2016. Հայաստանի օլիմպիականները. Միհրան Հարությունյան (ֆոտո)
10:14 16 օգոստոսի, 2016NEWS.am Sport-ը շարունակում է ներկայացնել Ռիոյում ընթացող 31-րդ ամառային Օլիմպիական խաղերում հանդես եկող հայ մարզիկներին:
Միհրան Հարությունյան, հունահռոմեական ոճի ըմբշամարտ, 66 կգ քաշային կարգ:
Ծնվել է 1989 թվականի մարտի 25-ին Էջմիածնում:
Միհրան Հարությունյանը 2009 թ. աշխարհի երիտասարդների փոխչեմպիոն է, 2011թ. Ռուսաստանի չեմպիոն, 2015թ. Եվրոպական խաղերի փոխչեմպիոն է, 2015թ. Հայաստանի լավագույն մարզիկների տասնյակում զբաղեցրել է երկրորդ տեղը:
Ռիո-2016-ի ուղեգիը նվաճել է 2015թ. աշխարհի առաջնությունում:
Ամուսնացած է, ունի դուստր:
Անձնական մարզիչն է Սամվել Գեւորգյանը:
Միհրան Հարությունյան
«Տրամադրությունս մարտական է, առանց էմոցիաների: Ես գիտեմ ինձ ինչ է անհրաժեշտ, ինչ եմ ուզում եւ փորձում եմ իրականացնել նպատակս: Ես արդեն երկար ժամանակ է՝ ինձ համար ստեղծել եմ կյանքի ծանր ռիթմ եւ համակերպվել եմ այդ ծանրաբեռնվածությանը: Հենց այդ պատճառով օլիմպիական մրցագորգում պատրաստ եմ ամեն ինչի: Եթե հաղթեմ, կապրեմ հանգիստ, իսկ եթե ոչ, ստիպված կլինեմ կրկին այս դժվարությունները հաղթահարել»:
Սամվել Գեւորգյան
«Միհրան Հարությունյանը գորգի վրա հզոր մարզիկ է, գորգից դուրս հրաշալի անձնավորություն եւ ընկեր: Միհրանին ճանաչում եմ երկար տարիներ, երբ նա դեռ հանդես էր գալիս Ռուսաստանի կազմում: Այդ ժամանակից մտերիմ ենք: Կյանքի բերումով արդեն միասին ենք աշխատում գորգի վրա երկար տարիներ: Ոչ մի խնդիր չունենք, միմյանց մի հայացքից հասկանում ենք»:
Միհրան Հարությունյանը Ռիոյի օլիմպիական մրցագորգ դուրս կգա օգոստոսի 16-ին:
Լուսինե Շահբազյան
Լուսանկարներն՝ Արսեն Սարգսյանի
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.