Ռիո-2016. Արթուր Ալեքսանյանի ու Միհրան Հարությունյանի մրցակիցները
23:35 15 օգոստոսի, 2016Ռիո դե Ժանեյրոյում շարունակվող ամառային Օլիմպիական խաղերի հունահռոմեական ոճի ըմբշամարտի մրցաշարում կայացել է 66 եւ 98 կգ քաշային կարգերի վիճակահանությունը:
Աշխարհի կրկնակի չեմպիոն Արթուր Ալեքսանյանը (98 կգ) պայքարը կսկսի 1/8 եզրափակիչից՝ մրցելով իտալացի Դաիգորո Տիմոնչինիի հետ: Հաղթանակի դեպքում գյումրեցի ըմբիշը կիսաեզրափակիչի ուղեգիրը կվիճարկի Մուստաֆա Աբդելվահաբ (Եգիպտոս) – Ալին Ցիուրարու (Ռումինիա) զույգի հաղթողի հետ:
Ալեքսանյանը գետեմարտերը սկսելու է Երեւանի ժամանակով 17:30-ից:
Եվրոպայի նախորդ առաջնության եզրափակիչում Արթուր Ալեքսանյանին հաղթած ռուս Նիկիտա Մելնիկովը չի մասնակցում Ռիո-2016-ին, իսկ 98 կգ քաշային կարգում Ռուսաստանը ներկայացնում է Իսլամ Մագոմեդովը, որին հայ մարզիկը կարող է հանդիպել կիսաեզրափակիչում: Լոնդոնի Օլիմպիական խաղերի չեմպիոն, իրանցի Ղասեմ Ռեզային մյուս ենթախմբում է:
Եվրոպական խաղերի փոխչեմպիոն Միհրան Հարությունյանը (66 կգ) եւս կմեկնարկի 1/8 եզրափակիչից՝ մրցելով եգիպտացի Ահմեդ Կահկի հետ: Հաղթանակի դեպքում Հարությունյանի հաջորդ մրցակիցը կլինի Հանսու Ռյու (Հարավային Կորեա) – Տամաշ Լորինց (Հունգարիա) զույգի հաղթողը: Լորինցը Լոնդոնի Օլիմպիական խաղերի փոխչեմպիոնն է:
Միհրան Հարությունյանը գոտեմարտերը սկսելու է Երեւանի ժամանակով 17:20-ից:
Հիշեցնենք, որ հունահռոմեական ոճի ըմբշամարտի մրցաշարում Հայաստանի ներկայացուցիչներից հանդես են եկել նաեւ Արսեն Ջուլֆալակյանը (75 կգ) եւ Մաքսիմ Մանուկյանը (85 կգ), որոնք պարտվել էին մեկնարկային գոտեմարտերում եւ լքել պայքարը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.