Ուսեյն Բոլթ. Պետք է ռեկորդ սահմանեմ 200 մետրում, Ռիո եմ եկել 3 ոսկե մեդալների հետեւից
13:40 15 օգոստոսի, 2016Ջամայկացի արագավազորդ Ուսեյն Բոլթը Ռիո դե Ժանեյրոյում շարունակվող ամառային Օլիմպիական խաղերի 100 մետր վազքում հաղթելուց եւ 7-ակի օլիմպիական չեմպիոն դառնալուց հետո կիսվել է տպավորություններով:
«Ցանկանում եմ աշխարհի ռեկորդ սահմանել 200 մետրում: Կարծում եմ, որ եթե հանգստանալու բավականաչափ ժամանակ ունենայի կիսաեզրափակիչից հետո, ապա ռեկորդ կգրանցեի նաեւ 100 մետրում: Այպես որ, բոլոր ուժերս կներդնեմ 200 մետրում՝ իմ նպատակին հասնելու համար:
Այս Օլիմպիական խաղերին եկել եմ 3 ոսկե մեդալ նվաճելու համար: Այդ դեպքում ինձ կհամարեմ մեծագույն մարզիկ: Եթե հանկած անհաջողության մատնվեմ, մեծ հիասթափություն կապրեմ»,- աշխարհի 11-ակի չեմպիոնի խոսքը մեջբերում է Daily Mail-ը:
100 եւ 200 մետր վազքի աշխարհի ռեկորդակիրն անդրադարձել է նաեւ Ռիո-2016-ի 100 մետրում արծաթե մեդալ նվաճած ամերիկացի Ջաստին Գեթլինին, որին երկրպագուները սուլել էին կիսաեզրափակիչից առաջ: Բանն այն է, որ 34-ամյա ամերիկացին նախկինում 2 անգամ որակազրկվել է հակադոպինգային կանոնակարգը խախտելու համար:
«Առաջին անգամ եմ նման բան տեսնում: Երկրպագուները սուլում էին Գեթլինին: Դա զարմացրեց ինձ»,- ասել է Բոլթը:
Հիշեցնենք, որ Ռիո-2016-ի 100 մետրում Ուսեյն Բոլթը հաղթեց 9.81 վայրկյան արդյունքով: Ջամայկացի արագավազորդը 100 մետրի աշխարհի ռեկորդը սահմանել է 2009-ին՝ գրանցելով 9.58 վայրկյան արդյունք: 200 մետրի աշխարհի ռեկորդը եւս պատկանում է նրան՝ 19,19 վայրկյան:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.