Ռիո-2016. 35-ամյա Էրվինը գերազանցեց Մայքլ Ֆելփսի ռեկորդը (ֆոտոշարք)
10:04 13 օգոստոսի, 2016Ամերիկացի Էնտոնի Էրվինը դարձավ Օլիմպիական խաղերի պատմության ամենատարեց չեմպիոնը լողում: Ռիո դե Ժանեյրոյում շարունակվող ամառային Օլիմպիական խաղերում 35-ամյա ամերիկացին ոսկե մեդալ նվաճեց ազատ ոճի 50 մետրում: Նրա արդյունքն էր 21,40 վայրկյան:
Ֆրանսիացի Ֆլորան Մանադուն գրավեց երկրորդ տեղը, իսկ ամերիկացի Նատան Էդրիանն արժանացավ բրոնզե մեդալի:
Էնտոնի Էրվինը ոսկե մեդալ էր նվաճել նաեւ Սիդնեյում 2000-ին կայացած Օլիմպիական խաղերի ազատ ոճի 50 մետրում: Նա գերազանցեց ամերիկացի լեգենդար լողորդ Մայքլ Ֆելփսի ռեկորդը եւ դարձավ ամենատարեց օլիմպիական չեմպիոնը լողում: 22-ակի օլիմպիական չեմպիոն Ֆելփսը Ռիո-2016-ում արդեն 4 ոսկե մեդալ է նվաճել 31 տարեկանում: Դրանից առաջ այդ ցուցանիշով նախորդ ռեկորդը պատկանում էր 1920 թվականի Օլիմպիական խաղերի հերոսներից Դյուկ Կախանամոկին, որը լողի օլիմպիական ոսկե մեդալ էր նվաճել 30 տարեկան դառնալուց օրեր անց:
Ռիո-2016, լող
Տղամարդիկ, ազատ ոճ, 50 մետր
1. Էնտոնի Էրվին (ԱՄն) - 21,40 վայրկյան
2. Ֆլորան Մանադու (Ֆրանսիա) - 21,41
3. Նատան Էդրիան (ԱՄՆ) - 21,49
Էնտոնի Էրվինի չեմպիոնական լուսանկարները Սիդնեյ-2000-ում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.