Ռիո-2016. Իրանցի Ռոստամին աշխարհի ռեկորդով դարձավ չեմպիոն, Առաքել Միրզոյանը տեղ չգրավեց

Իրանցի Կիանուշ Ռոստամիի հաղթանակով ավարտվեց Ռիոյի Օլիմպիական խաղերի ծանրամարտի տղամարդկանց 85 կգ քաշայինների պայքարը: Աշխարհի կրնակի չեմպիոնը երկամարտում սահմանեց աշխարհի եւ Օլիմպիական խաղերի ռեկորդ՝ 396 կգ (179+217):

Փոխչեմպիոնի տիտղոսը նվաճեց չինացի Տաո Տիանը՝ 395 կգ (178+217): Երրորդ տեղը գրավեց ռումինացի Գաբրիել Սինկրաիանը՝ 390 (173+217):

Հայաստանի ներկայացուցիչ Առաքել Միրզոյանը պոկում վարժությունում երկրորդ փորձից բարձրացրեց 158 կգ, ինչից հետո հրաժարվեց պայքարից եւ տեղ չգրավեց:

Հիշեցնենք, որ 2012թ. Լոնդոնի Օլիմպիական խաղերում Առաքել Միրզոյանը եւս տեղ չէր գրավել՝ ձախողելով բոլոր մոտեցումները: