Ռիո-2016. 18-ամյա Սոնա Պողոսյանը երրորդն է B խմբում
21:10 12 օգոստոսի, 2016Ռիոյի Օլիմպիական խաղերում ծանրամարտի կանանց մրցաշարին մասնակցեց Հայաստանի ներկայացուցիչ, 75 կգ քաշային Սոնա Պողոսյանը: Նա հայտավորված էր B խմբում եւ երկամարտի 223 կգ արդյունքով գրավեց երրորդ տեղը: Պոկում վարժությունում 18-ամյա մարզուհին բարձրացրեց 97 կգ, հրում վարժությունում՝ 126 կգ:
Առաջին տեղը գրավեց չիլիացի Մարիա Ֆերնանդա Վալդես Պարիսը, որը երկամարտում հավաքեց 242 կգ (107+135): Երկրորդը մեքսիկացի Ալեխանդրա Գարցան է՝ 224 կգ (98+126):
Սոնո Պողոսյանի վերջնական տեղը հայտնի կդառնա ավելի ուշ, երբ պայքարը կավարտեն A խմբում ընդգրկված ուժեղագույնները:
Սոնա Պողոսյան, ծանրամարտ, 75 կգ քաշային կարգ
Ծնվել է 1998 թվականի հունիսի 29-ին Քասախում։
2013, 2015 թվականների պատանիների եւ երիտասարդների Եվրոպայի փոխչեմպիոն է, մասնակցել է Նանջինգ-2014-ի պատանեկան Օլիմպիական խաղերին եւ զբաղեցրել 6-րդ տեղը։ 2015թ․ Հյուսթոնի մեծահասակների աշխարհի առաջնությունում C խմբում գրավել է առաջին տեղը։ 2016 թ․ մեծահասակների Եվրոպայի առաջնությում զբաղեցրել է 4-րդ տեղը, նույն թվականին Վրաստանում անցկացված եիտասարդների աշխարհի առաջնությունում կրկին 4-րդն է եղել։
Անձնական մարզինչ է Արման Ղազարյանը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.