Ռիո-2016. Մայքլ Ֆելփսը կրկնել է 2000 տարվա ռեկորդ
17:08 11 օգոստոսի, 2016Ամերիկացի լեգենդար լողորդ Մայքլ Ֆելփսը, 3 ոսկե մեդալ նվաճելով Ռիո դե Ժանեյրոյում անցկացվող Օլիմպիական խաղերում, կրկնել է պատմական ռեկորդ:
31-ամյա մարզիկը Ռիո-2016-ում նվաճել է 12-րդ անհատական ոսկե մեդալն Օլիմպիական խաղերում՝ կրկնելով վազորդ Լեոնիդաս Հռոդոսցու ռեկորդը: Հին հույն օլիմպիականը 12-ակի օլիմպիական չեմպիոն էր դարձել մ.թ.ա. 152 թվականին:
Ավելի վաղ Մայքլ Ֆելփսը գերազանցել էր 96 տարվա ռեկորդ՝ դառնալով պատմության ամենատարեց օլիմպիական չեմպիոնը լողում (31 տարեկանում): Այդ ցուցանիշով նախորդ ռեկորդը պատկանում էր 1920 թվականի Օլիմպիական խաղերի հերոսներից Դյուկ Կախանամոկին, որը լողի օլիմպիական ոսկե մեդալ էր նվաճել 30 տարեկան դառնալուց օրեր անց:
Հիշեցնենք, որ Մայքլ Ֆելփսը պատմության միակ մարզիկն է, որը 21-ակի օլիմպիական չեմպիոն է:
Ռիո-2016-ն ամերիկացու վերջին Օլիմպիական խաղերն է: Նա կարիերան որոշել էր ավարտել Լոնդոն-2012-ից հետո, սակայն 2014-ին վերադարձավ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։