Ռիո-2016. Բրազիլիայի հավաքականի երկրպագուները վանկարկել են Մարտայի անունը, երբ գնդակը հայտնվել է Նեյմարի մոտ
10:10 10 օգոստոսի, 2016Բրազիլիայի հավաքականի երկրպագուները «Բարսելոնայի» հարձակվող Նեյմարի խաղից դժգոհ են մնացել Իրաքի թիմի դեմ Ռիո դե Ժանեյրոյում անցկացվող Օլիմպիական խաղերի ֆուտբոլի մրցաշարի հանդիպմանը, գրում է Globo Еsporte-ը:
Երկրորդ խաղակեսի ընթացքում բրազիլացի երկրպագուները վանկարկել են ֆուտբոլիստուհի Մարտայի անունը, երբ գնդակը հայտնվել է Նեյմարի մոտ: 0:0 հաշվով ավարտված խաղից հետո էլ բրազիլացի երկրպագուներն աջակցել են Իրաքի թիմի ֆուտբոլիստներին: Խաղի ժամանակ նրանք վանկարկել են՝ «Մարտան Նեյմարից լավն է»:
Կանանց Բրազիլիայի հավաքականի հարձակվող Մարտան աշխարհի լավագույն ֆուտբոլիստուհիներից է, նա «Ոսկե գնդակի» եւ «Ոսկե խաղակոշիկի» դափնեկիր է: Ռիո-2016-ում նա կանանց Բրազիլիայի հավաքականին օգնել էր հաղթել Շվեդիային՝ դառնալով դուբլի հեղինակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.