Յանա Եգորյան. Ամեն հայ կին պատրաստ է մեծ ուշադրության
21:29 9 օգոստոսի, 2016Ռիոյի Օլիմպիական խաղերի սուսերամարտի մրցաշարում թրամարտի անհատական չեմպիոնական տիտղոսը նվաճած 22-ամյա ռուսաստանցի Յանա Եգորյանը մեկնաբանել է հաղթանակը:
Եզրափակիչում Յանա Եգորյանը 15:14 հաշվով պարտության էր մատնել ռուսաստանցի Սոֆյա Վելիկայային:
«Կարիերայիս առաջին նպատակը 2010թ. Սինգապուրի պատանեկան Օլիմպիական խաղերի տիտղոսն էր: Այդ նպատակին հասնելուց հետո երազում էի իսկական Օլիմպիական խաղերի ոսկե մեդալի մասին: Լոնդոն-2012-ը դեռ չէր կարող իմը լինել: Բայց նախատեսում էի, որ վեց տարի է ինձ անհրաժեշտ այլ մակարդակի հասնելու համար: Բոլորը հասկանում են, որ մանկական Օլիմպիական խաղերը չի կարելի համեմատել այս Խաղերի հետ: Կարող ես լավ սուսերամարտել, բայց առանց հոգեբանական կայունության ոչինչ չի ստացվի:
Հաճախ հարցազրույցներ տալու սովոր չեմ: Ինձ միշտ ասում են, որ ամեն ինչ խառնում եմ: Բայց ամեն հայ կին պատրաստ է մեծ ուշադրության:
Ռուսական սուսերամարտում վստահ էինք, որ դոպինգի խնդիր չկա: Գիտեինք, որ բոլորս մաքուր ենք: Մենք հրաշալի հանձնել ենք բոլոր թեստերը Եվրոպայի առաջնության ժամանակ: Սուսերամարտն այն մարզաձեւը չէ, որտեղ կիրառելի է դոպինգը: Մենք դրա կարիքը չունենք: Մինչեւ վերջին պահը մարզվել ենք»,- Յանա Եգորյանի խոսքը մեջբերում է Sovsport-ը:
1993 թվականին Երեւանում ծնված եւ 6 տարեկանում ընտանիքի հետ Ռուսաստան տեղափոխված Յանա Եգորյանը նաեւ 2015թ. աշխարհի չեմպիոն է, Եվրոպայի քառակի չեմպիոն, սակայն այդ տիտղոսները նվաճել է թիմային պայքարում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.