Ռիո-2016. Նամիբիայի դրոշակակիրը ձերբակալվել է սեռական ոտնձգության համար

Նամիբիայի հավաքականի բռնցքամարտիկ Ջոնաս Ջունիուսը ձերբակալվել է Ռիո դե Ժանեյրոյում ընթացող Օլիմպիական խաղերի օլիմպիական ավանի աշխատակցուհու հանդեպ սեռական ոտնձգություն կատարելու համար: Օգոստոսի 9-ին 22-ամյա մարզիկը կտեղափոխվի Ռիոյի բանտերից մեկը, գրում է independent.co.uk-ը:

Օլիմպիական խաղերի բացման ժամանակ Ջոնաս Ջունիուսը Նամիբիայի պատվիրակության դրոշակակիրն էր:

Ավելի վաղ օլիմպիական ավանում սեռական ոտնձգության համար ձերբակալվել եւ Խաղերի մասնակցության իրավունքից զրկվել էր նաեւ մարոկկացի բռնցքամարտիկ Հասան Սաադը, որը եւս փորձել էր սեռական կապի մեջ մտնել օլիմպիական ավանի 2 աշխատակցուհիների հետ: