Ռիո-2016. Յանա Եգորյանը՝ օլիմպիական չեմպիոն

Ռուսաստանը ներկայացնող Յանա Եգորյանը նվաճել է Ռիոյի Օլիմպիական խաղերի չեմպիոնի տիտղոսը սուսերամարտի մրցաշարում: Թրամարտի անհատական պայքարի եզրափակիչում 22-ամյա Եգորյանը 15:14 հաշվով պարտության է մատնել ռուսաստանցի Սոֆյա Վելիկայային: 

1993 թվականին Երեւանում ծնված եւ 6 տարեկանում ընտանիքի հետ Ռուսաստան տեղափոխված Յանա Եգորյանը նաեւ 2015թ. աշխարհի չեմպիոն է, Եվրոպայի քառակի չեմպիոն, սակայն այդ տիտղոսները նվաճել է թիմային պայքարում:

Ռուսաստանը նվաճեց երկրորդ ոսկե մեդալը եւ ոչ պաշտոնական թիմային հաշվարկում 5-րդն է՝ զիջելով Չինաստանին, ԱՄՆ-ին, Իտալիային եւ Ավստրալիային:

Ռիո-2016. Թրամարտ, անհատական, կանայք Սուսերամարտ

 Ռուսաստան

1. Յանա Եգորյան

 Ռուսաստան

2. Սոֆյա Վելիկայա

 Ուկրաինա

3. Օլգա Խարլան