Ռիոյի Օլիմպիական խաղերում օգոստոսի 8-ին արդեն վիճարկվել է երկու չեմպիոնական տիտղոս, երկուսն էլ՝ հրաձգությունում: Օդամուղ հրացանով 10 մետրից, տղամարդկանց պայքարում չեմպիոնական տիտղոսը նվաճել է իտալացի Նիկոլո Կամպրիանին:
Այս մրցաձեւում հանդես էր գալիս նաեւ Հայաստանի միակ ներկայացուցիչը հրաձգության մրցաշարում Հրաչ Բաբայանը: Նա չկարողացավ դուրս գալ եզրափակիչ՝ գրավելով 24-րդ տեղը:
Ստենդային հրաձգության տղամարդկանց պայքարում չեմպիոն հռչակվեց խորվաթ Յոսիպ Գլասնովիչը:
Ոչ պաշտոնական թիմային հաշվարկը գլխավորում է ԱՄՆ-ն, որը նվաճել է 3 ոսկե, 5 արծաթե, 4 բրոնզե մեդալ: Ըստ աշխարհամասերի՝ առաջատարներն են Եվրոպան ու Ասիան՝ 36-ական տոկոս մեդալների քանակից: 18 երկրներ նվաճել են ոսկե մեդալ:
28 մարզաձեւում կվիճարկվի 306 չեմպիոնական տիտղոս:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։