Ռիո-2016. Հուռի Գեբեշյանը չհաղթահարեց որակավորման փուլը

09:14   8 օգոստոսի, 2016

Օլիմպիական խաղերի սպորտային մարմնամարզության կանանց մրցաշարի պատմության մեջ Հայաստանի առաջին ներկայացուցիչ Հուռի Գեբեշյանը չկարողացավ հաղթահարել որակավորման փուլի արգելքը եւ լքեց պայքարը:

Ամերիկահայ մարզուհի բազմամարտում բազմամարտում հավաքել է 53.848 միավոր եւ գրավել 38-րդ տեղը: Եզրափակիչի ուղեգիր նվաճեցին 1-24-րդ տեղ գրաված մարզուհիները: Հուռի Գեբեշյանն ազատ վարժությունում 61-րդն էր, հավասարակշռության գերանի վրա՝ 53-րդը, իսկ զուգահեռ պտտաձողի վրա՝ 53-րդը:

Ռուսաստանը ներկայացնող Սեդա Թութխալյանը նվաճել է եզրափակիչի ուղեգիր:

Հիշեցնենք, որ տղամարդկանց պայքարի նժույգի վարժության որակավորման փուլում Եվրոպայի գործող չեմպիոն, աշխարհի 2015թ. առաջնության բրոնզե մեդալակիր Հարություն Մերդինյանը հավաքել է 15.583 միավոր եւ զբաղեցրել չորրորդ տեղը՝ դուրս գալով եզրափակիչ:

Արթուր Դավթյանը հենացատկում գրանցել է 14.566 միավորով եւ գրավելով 11-րդ տեղը՝ լքել էր պայքարը: Որակավորման փուլից եզրափակիչ են դուրս գալիս 1-8-րդ տեղերը գրաված մարմնամարզիկները: Եզրափակիչը տեղի կունենա օգոստոսի 14-ին:

Օգոստոսի 8-ին Հայաստանը Ռիո-2016-ում ունի մեկ ներկայացուցիչ: Հրաչիկ Բաբայանը հանդես կգա հրաձգության մրցաշարում (օդամուղ հրացան, 10մ):



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։