ԱՄՆ-ի Սենթ Լուիս քաղաքում ընթացող Sinquefield Cup շախմատային սուպերմրցաշարի երրորդ տուրում Հայաստանի հավաքականի առաջին համար Լեւոն Արոնյանը սեւերով մրցել է ամերիկացի Ուեսլի Սոի հետ եւ արդեն 29-րդ րոպեին համաձայնել է ոչ ոքի արդյունքի:
Ոչ ոքի են ավարտվել նաեւ հնդիկ Վիշվանաթան Անանդ - ամերիկացի Հիկարու Նակամուրա, բուլղարացի Վեսելին Տոպալով - ֆրանսիացի Մաքսիմ Վաշյե-Լագրավ, հոլանդացի Անիշ Գիրի - չինացի Դին Լիրեն դիմակայությունները:
Շարունակվում է առաջին երկու տուրերում պարտություն կրած ռուսաստանցի Պյոտր Սվիդլերի եւ մեկ միավոր ունեցող ամերիկացի Ֆաբիանո Կարուանայի պարտիան:
Երեք տուրից հետո Լեւոն Արոնյանը 2 միավորով գլխավորում է մրցաշարային աղյուսակը: 2-ական միավոր ունեն նաեւ Ուեսլի Սոն, Վիշվանաթան Անանդն ու Վեսելին Տոպալովը:՚
Հիշեցնենք, որ Լեւոն Արոնյանը պաշտպանում է անցած տարի այս մրցաշարում նվաճած հաղթողի տիտղոսը: Առաջին տուրում հայ գրոսմայստերը սեւերով ոչ ոքի էր խաղացել չինացի Դին Լիրենի հետ, երկրորդ տուրում սպիտակներով հաղթել էր Պյոտր Սվիդլերին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։