Ռիո-2016. Ֆրանսիացի մարմնամարզիկի սարսափելի վնասվածքը

Ֆրանսիան ներկայացնող Սամիր Աիտ Սաիդը լուրջ կոտրվածք է ստացել Ռիո դե Ժանեյրոյում մեկնարկած 31-րդ ամառային Օլիմպիական խաղերի սպորտային մարմնամարզության մրցաշարի որակավորման փուլում: Նժույգի վարժությունում նա չափազանց անհաջող է վայրէջք կատարել եւ կարող է նույնիսկ անդամալույծ դառնալ:

Հիշեցնենք, որ Ռիո-2016-ի մարմնամարզության մրցաշարի որակավորման փուլին օգոստոսի 6-ին մասնակցում են նաեւ Հայաստանի հավաքականի անդամներ Հարություն Մերդինյանն ու Արթուր Դավթյանը: Մերդինյանը նժույգի վարժության որակավորման փուլում հավաքել է 15.583 միավոր եւ ընթացիկ չորրորդ տեղում է, իսկ Արթուր Դավթյանը 14.566 միավորով դեռ 6-րդն է հենացատկում: Վերջին մրցահերթից հետո հայտնի կդառնան մարզիկների վերջնական տեղերն ու եզրափակիչի մասնակիցները: