Ռիո-2016. Հովհաննես Դավթյանը պարտություն կրեց

19:23   6 օգոստոսի, 2016

Ձյուդոիստ Հովհաննես Դավթյանը պարտություն կրեց Ռիո դե Ժանեյրոյում մեկնարկած 31-րդ ամառային Օլիմպիական խաղերի երկրորդ գոտեմարտում եւ դուրս մնաց մեդալի համար պայքարից:

60 կգ քաշային Դավթյանի երկրորդ մրցակիցն էր ռուսաստանցի Բեսլան Մուդրանովը, որը հաղթեց յուկոյով եւ պայքարից դուրս թողեց հայ մարզիկին:

Մեկնարկային գոտեմարտում հայ ձյուդոիստը հաղթել էր ավստրիացի Լյուդվիգ Պաիսչերին եւ դուրս եկել 1/8 եզրափակիչ:

Օգոստոսի 6-ին Հայաստանի մարզիկներից պայքարի մեջ էր մտել նաեւ բռնցքամարտիկ Արթուր Հովհաննիսյանը, որը 49 կգ քաշայինների մեկնարկային մենամարտում 27:30 (0:3) հաշվով պարտվել էր իսպանացի Սամուել Հարմոնա Հերերային եւ լքել պայքարը: Այսօր կմեկնարկեն նաեւ մարմնամարզիկներ Հարություն Մերդինյանն ու Արթուր Դավթյանը: Եվրոպայի չեմպիոն, աշխարհի առաջնության բրոնզե մեդալակիր Մերդինյանը հանդես կգա նժույգի վարժության որակավորման փուլում, իսկ Արթուր Դավթյանը՝ հենացատկում: 



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։