Նոր համալրումներ Երեւանի «Արարատում»
18:51 1 օգոստոսի, 2016Նոր մրցաշրջանին պատրաստվող Երեւանի «Արարատի» կազմը համալրվեց նոր ֆուտբոլիստներով: Թիմ է վերադարձել դարպասապահ Արամ Հայրապետյանը, որը մասնակցեց «Բանանցի» եւ «Ալաշկերտի» հետ ստուգողական հանդիպումներին, հաղորդում է ակումբի մամուլի ծառայությունը:
Պաշտպան Արգիշտի Պետրոսյանի նախորդ ակումբն էր Լիբանանի «Հոմենեթմենը»: Հակոբ եւ Արամ Լոռեցյաններն «Արարատ» են տեղափոխվել «Ալաշկերտից»: Նրանք ժամանակին հանդես են եկել «Արարատի» կազմում:
«Արարատին» է միացել նաեւ վերջին շրջանում Հունաստանում հանդես եկած կիսապաշտպան Կարեն Ավոյանը, ով նույնպես երեւանյան թիմում խաղալու փորձ ունի:
Նոր մրցաշրջանում «Արարատում» հանդես կգան նաեւ երկու աֆրիկացի կիսապաշտպաններ. Aspire Academy-ի սան, հարավաֆրիկացի Հեփի Սիմելելան հանդես է եկել Բելգիայի «Էուպենում», իսկ կոտդիվուարցի Իսմայիլ Բրուն խաղացել է տեղի ASFA եւ Բենինի «Ռեքուինս» ակումբներում:
Ավելի վաղ «Արարատը» պայմանագրեր էր ստորագրել կոտդիվուարցի ֆուտբոլիստներ Նասիմ Աարոն Կպեհիայի եւ Բրաիմա Բրունո Կոնեի հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.