Լոնդոն-2012. Միշա Ալոյանն անհաղթահարելի մրցակից չունի
12:33 3 հուլիսի, 201252 կգ քաշային կարգում սիրողական բռնցքամարտի աշխարհի չեմպիոն Միշա Ալոյանի գլխավոր մրցակիցները Լոնդոնի Օլիմպիական խաղերում կլինեն Մեծ Բրիտանիայի, ԱՄՆ-ի Կուբայի եւ Մոնղոլիայի ներկայացուցիչները, հայտարարել է Ռուսաստանը ներկայացնող բռնցքամարտիկի անձնական մարզիչ Էդուարդ Կրավցովը:
«Մեր հիմնական մրցակիցները Օլիմպիական խաղերում կլինեն 2011թ. աշխարհի փոխչեմպիոն, բրիտանացի Էնդրյու Սելբին, 2007թ. աշխարհի չեմպիոն, ամերիկացի Ռաշի Ուորենը, 2009թ. աշխարհի փոխչեմպիոն Տուգստսոգտ Նյամբայարը եւ կուբացի Ռոբեյսի Ռամիրեսը:
52 կգ քաշային կարգում եւս մոտ չորս արժանի մրցակիցներ կան Ճապոնիայից, Թաիլանդից եւ այլ երկրներից: Սակայն Միշայի համար այդ ութ մրցակիցներից եւ ոչ մեկն անհաղթահարելի չէ: Միշա Ալոյանը միակ ռուսաստանցի բռնցքամարտիկն է, ով իր քաշային կարգում միջազգային ֆեդերացիայի նախաօլիմպիական վարկանիշային աղյուսակում զբաղեցնում է առաջին տեղը:
Կարծում եմ, որ նա Լոնդոնում կացկացնի չորս մենամարտ, եւ դրանցից առաջինը հավանաբար կկայանա օգոստոսի 3-ին:
Այժմ գլխավոր խնդիրը Միշային լավ ֆունկցիոնալ վիճակի հասցնելն է Լոնդոնում` կատարելով անհրաժեշտ ուժային աշխատանքը եւ գրագետ բաշխելով ծանրաբեռնվածությունը»,- Կրավցովի խոսքը մեջբերում է Gazeta.ru-ն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.