Ռիո-2016. Հայաստանի օլիմպիականները. Հովհաննես Բաչկով (ֆոտո)
18:36 29 հուլիսի, 2016NEWS.am Sport-ը ներկայացնում է 31-րդ ամառային Օլիմպիական խաղերի ուղեգիր նվաճած Հայաստանի օլիմպիականներին: Խաղերի մեկնարկը կտրվի օգոստոսի 5-ին Ռիո դե Ժանեյրոյում:
Հովհաննես Բաչկով, բռնցքամարտ, 64 քաշային կարգ
Ծնվել է 02․12․1992 թ․Գյումրիում
Հայաստանի բազմակի չեմպիոն է, միջազգային մրցաշարերի հաղթող,Վենեսուելայի վարկանիշային մրցաշարի հաղթող:
Օլիմպիական ուղեգիրը նվաճել է Վենեսուելայում անցկացված վերջին վարկանիշային մրցաշարում։
Ամուսնացած է, ունի որդի։
Ամեն ինչ սկսվեց․․․
Բռնցքամարտով սկսել եմ զբաղվել 7 տարեկանից, քեռուս խորհրդով։ Նա ժամանակին զբաղվել է բռնցքամարտով։ Մինչեւ բռնցքամարտի հաճախելս, ինձ սովորեցրել է բռնցքամարտիկի կեցվածքը, հարվածները։ Իսկ առաջին անգամ բռնցքամարտի դահլիճ մտել եմ պապիկիս հետ։
Բռնցքամարտը խելացի կռիվ է, վայրկյանների ընթացքում պետք է ամեն ինչ հաշվարկես։ Բռնցքամարտի շնորհիվ կարող ես ինքնապաշտպանվել։
Ես՝ Ռիո-2016-ի մասնակից․․․
Ուղեգիրը նվաճեցի Վենեսուելայի վերջին վարկանիշային մրցաշարում։ Սամսունի վարկանիշային մրցաշարում ձեռքից բաց թողեցի ուղեգիրը եւ այդ մրցաշարն արդեն անցյալում է եւ չեմ ուզում հիշել։ Վենեսուելայի մրցաշարում համառ պայքարում կարողացա հաղթանակ տոնել։ Հաղթանակները հեշտ չեն տրվում, քանի որ կա պայքար․ իսկ որտեղ պայքար, այնտեղ էլ դժվարություններ:
Ուրախ եմ, որ Հայաստանի օլիմպիական թիմի անդամ եմ։ Օլիմպիական խաղերը միշտ եղել է ուժեղների կռիվ։ Հետաքրքրությունը դրա մեջ է։ Ինչպես յուրաքանչյուրի, ինձ համար էլ Օլիմպիական խաղերը առանձնահատուկ են։
Հույսեր, սպասելիքներ․․․
Ժամանակից շուտ կանխագուշակումներ չեմ ցանկանում անել։ Օլիմպիական ռինգը ցույց կտա։
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.