Ռիո-2016. Ռուսաստանին զրկեցին եւս 22 օլիմպիական ուղեգրից
23:28 26 հուլիսի, 2016Թիավարության միջազգային ֆեդերացիան Ռիո-2016-ի Օլիմպիական խաղերի 28 ուղեգիր նվաճած թիավարողներից 22-ին զրկել է մասնակցության իրավունքից հակադոպինգային կանոնադրության խախտումների պատճառով: Խաղերին կկարողանա մասնակցել է Ռուսաստանի միայն մեկ անձնակազմ՝ չորս տեղանի նավակով:
Դրանից առաջ Բայդարկայի եւ կանոեի թիավարության միջազգային ֆեդերացիան Ռուսաստանի հինգ մարզիկների զրկել էր Ռիո-2016-ի Օլիմպիական խաղերի ուղեգրերից,
Նախորդ օրը Ռուսաստանի 7 լողորդներն էին զրկվել օլիմպիական ուղեգրերից: Ամբողջ թիմով որակազրկված աթլետիկայի Ռուսաստանի հավաքականն ուներ 68 ուղեգիր: Արեւմտյան մամուլի կանխատեսումներով, Ռուսաստանի օլիմպիական հավաքականից մինչեւ Ռիո-2016-ի մեկնարկը կմնա մոտ 40 օլիմպիական:
Հիշեցնենք, որ Միջազգային օլիմպիական կոմիտեն չէր զրկել Ռուսաստանին Խաղերի մասնակցությունից, սակայն միջազգային ֆեդերացիաներին իրավունք է տվել հակադոպինգային կանոնադրության խախտումների հետ առնչություն ունեցող ռուսաստանցի մարզիկներին զրկել ուղեգրերից:
Ռուսաստանի օլիմպիական հավաքականը նախքան այս որակազրկումներն ուներ 387 ուղեգիր: Աթլետների, լողորդների եւ թիավարողների որակազրկումների հետեւանքով Ռուսաստանը զրկվեց 108 ուղեգրերից: Առաջիկա օրերին սպասվում են ծանրամարտի եւ ըմբշամարտի միջազգային ֆեդերացիաների որոշումներն այս հարցով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.