Աշխարհի չեմպիոն Լիլիթ Արզումանյան. Գլխավորն այն է, որ թիմի համար նվաճեցի ոսկե մեդալ

16:05   24 հուլիսի, 2016

Կունգ-ֆուի աշխարհի առաջնությունում առաջին անգամ հանդես եկած Լիլիթ Արզումանյանը Մոսկվայում Հայաստանի համար ոսկե մեդալ է նվաճել թայշի տուշոու մրցաձեւի 52 կգ քաշայինների պայքարում:

NEWS.am Sport-ի թղթակիցը Մոսկվայում զրուցել է նորընծա չեմպիոնի հետ:

Լիլիթ, ի՞նչ տպավորություններ ունես:

 Անկեղծ ասած դեռ չեմ գիտակցում, որ աշխարհի չեմպիոն եմ: Վաղուց եմ զբաղվում չինական մարտական արվեստներով, բայց տուշոու ոճով սկսել եմ վերջերս մարզվել: Ինձ հետաքրքրեց այս ոճը, քանի որ շատ հին արմատներ ունի: Ինձ համար գլխավորն այն է, որ հավաքականի համար նվաճեցի ոսկե մեդալ: Նույնիսկ, ավելի շատ եմ ուրախանում թիջի մրցաոճում մեր տղաների նվաճած ոսկե մեդալների համար:

Այս առաջնությունից հետո ինչի՞ն ես պատրաստվելու:

Հաջորդ տարվա աշխարհի առաջնությանը: Ցավոք, Հայաստանում չկան տուշոու մրցաձեւով զբաղվող այլ աղջիկներ: Լինում են սփարինգ մրցակցի խնդիրներ: Կցանկանայի, որ մարդիկ սկսեն հետաքրքրվել այս մարզաձեւով՝ ոչ միայն մեդալների, այլեւ առողջ կենսակերպի համար: Հայաստանում կա ներուժ, բայց անհրաժեշտ է կունգ-ֆուի զարգացում, որպեսզի մեր թիմն ավելի շատ մասնակիցներ ունենա աշխարհի առաջնություններում: Վստահ եմ՝ այդ դեպքում ավելի շատ մեդալներով կուրախացնենք մեր երկրպագուներին:

Պարույր Սինյավսկի՝ Մոսկվայից



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։