«Մանչեսթեր Յունայթեդը» պարտվեց «Բորուսիային», Մխիթարյանը գրավեց նախկին թիմի դարպասը (ֆոտո)
18:05 22 հուլիսի, 2016Անգլիական «Մանչեսթեր Յունայթեդը» խոշոր հաշվով պարտություն կրեց Դորտմունդի «Բորուսիայից» Շանհայում անցկացված International Champions Cup ընկերական մրցաշարի առաջին խաղում՝ 1:4:
Գերմանիայի փոխչեմպիոնների կազմում դուբլի հեղինակ դարձավ Գոնսալո Կաստրոն, աչքի ընկան նաեւ Պյեր-Էմերիկ Օբամեյանգն ու Ուսման Դեմբելեն:
Ժոզե Մոուրինյոյի գլխավորած թիմի կազմում հեղինակության գոլը խփեց Հայաստանի հավաքականի ավագ Հենրիխ Մխիթարյանը, որը նախկին թիմակից Ռոման Վայդենֆելերի պաշտպանած դարպասը Խուան Մատայի փոխանցումից հետո գրավեց 59-րդ րոպեին եւ 7 րոպե անց փոխարինվեց: Մխիթարյանն առաջին գոլը խփեց «Մանչեսթեր Յունայթեդում»՝ մասնակցելով երկրորդ հանդիպմանը:
Հաջորդ ընկերական խաղում «Մանչեսթեր Յունայթեդը» Պեկինում հուլիսի 25-ին կմրցի «Մանչեսթեր Սիթիի» հետ:
International Champions Cup
«Մանչեսթեր Յունայթեդ» - «Բորուսիա Դորտմունդ»՝ 1:4
Հենրիխ Մխիթարյան, 59 - Գոնսալո Կաստրո, 20, 86, Պյեր-Էմերիկ Օբամեյանգ, 36, 11մ, Ուսման Դեմբելե, 57
«Մանչեսթեր Յունայթեդ». Ջոնսթոն (Ռոմերո, 46), Վալենսիա (Պերեյրա, 75), Բայի, Ջոնս (Ռոխո, 46), Շոու, Բլինդ (Մաքնեյր, 66), Էրերա, Մատա, Մխիթարյան (Յանուզայ, 66), Լինգարդ (Յանգ, 46), Մեմֆիս (Ռեշֆորդ, 46):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.