Daily Mail. «Մանչեսթեր Սիթին» մտադիր չէ ձեռք բերել Վան Պերսիին
21:14 2 հուլիսի, 2012Բրիտանական Daily Mail պարբերականը ուշադրություն է դարձրել Հոլանդիայի հավաքականի Ռոբին վան Պերսիի վրա, որի ապագան անորոշ է այն պատճառով, որ Անգլիայի նորընծա չեմպիոն «Մանչեսթեր Սիթին» չի հրաժարվել անորսալի հոլանդացուն ձեռք բերելու մտադրությունից:
«Մանչեսթեր Սիթին» մտադիր չէ ձեռք բերել Վան Պերսիին, հայտարարել է «Մանչեսթեր Սիթիի» գլխավոր մարզիչ Ռոբերտո Մանչինին:
Նրա խոսքով, ակումբը դժվար թե ձեռք բերի «Արսենալի» հարձակվողին մինչեւ մրցաշրջանի սկիզբը, չնայած Պրեմիեր լիգայի չեմպիոնները դեմ չէին լինի արդյունավետ հարձակվողին իրենց աստղային կազմ ընդգրկել:
Իտալացի մարզիչը նաեւ նշել է, որ նախնական մրցաշրջանում ակումբը իր հանդիպումները կսկսի հարձակվողների քառյակով. Կառլոս Տեւես, Սերխիո Ագուերո, Էդին Ջեկո եւ Մարիո Բալոտելի: Վերջինիս թույլ կտան ավելի երկար հանգստանալ, քանի որ նա Իտալիայի հավաքականի կազմում մասնակցել է Եվրո-2012-ին:
Ինչ վերաբերվում է Վան Պերսիին, ապա նրա պայմանագիրը «Արսենալի» հետ ավարտվում է 2013 թվականին: Հոլանդացին ցանկանում է եռամյա պայանագիր` շաբաթական 130 հազ. ֆունտ աշխատավարձով եւ 5 մլն ֆունտ տարբեր պարգեւավճարներով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.