«Արարատի» խաղացողը տեղափոխվեց Շվեյցարիա, թիմն ունի նաեւ համալրումներ
16:38 15 հուլիսի, 2016Երեւանի «Արարատի» եզրային պաշտպան, Հայաստանի հավաքականի թեկնածու Րաֆֆի Կայան կարիերան կշարունակի Շվեյցարիայում: 22-ամյա ֆուտբոլիստը պայմանագիր է ստորագրել «Նյոն» ակումբի հետ, հաղորդում է «Արարատի» մամուլի ծառայությունը:
Թիմն ունի նաեւ համալրումներ: Կոտդիվուարցիներ Նասիմ Աարոն Կպեհիան եւ Բրաիմա Բրունո Կոնեն տեղափոխվել են «Արարատ»: Նախորդ մրցաշրջանում նրանք հանդես էին գալիս «Միկայի» կազմում:
19-ամյա Կպեհիան կենտրոնական կիսապաշտպան է, իսկ 21-ամյա Կոնեն` կենտրոնական հարձակվող:
Երկու ֆուտբոլիստներն էլ մասնակցել են Թեհրանի «Էսթեղլալի» դեմ ստուգողական խաղին, իսկ Կոնեն խփել է «Արարատի» հաղթական գոլը իրանական թիմի դարպասը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։