Յուրա Մովսիսյանը` «Սպարտակից» հեռանալու մասին. Կան բաներ, որոնք ավելի լավ է չմեկնաբանել
09:41 15 հուլիսի, 2016Ամերիկյան «Ռեալ Սոլթ Լեյքում» վարձավճարով հանդես եկող Յուրա Մովսիսյանը պատմել է Մոսկվայի «Սպարտակից» հեռանալու որոշման մասին:
«Սկզբում ամեն ինչ լավ էր, եղավ այն հեթ-տրիկը նորամուտի խաղում, սակայն, թե ինչ տեղի ունեցավ հետո... Չէի ցանկանա խոսել այդ մասին: Մեր կյանքում կան բաներ, որոնք ավելի լավ է չմեկնաբանել: Ավելացնելու ոչինչ չունեմ: Եթե ասեմ նման բան, դա կազդի այն մարդկանց վրա, որոնք օտար չեն իմ համար: Պարզապես չեմ ցանկանում անել դա: Դա այն է, ինչն ամենակարեւորն է այս պատմությունում:
Ֆուտբոլային առումով շատ բան սովորեցի «Սպարտակում» ու Ռուսաստանում: Այնպես որ, դա դրական փորձ էր, թեեւ բացասական պահեր եւս եղան, ինչպես հիշում եք: Ոչնչի համար չեմ զղջում, դա իմ կարիերայում հետաքրքիր փուլ էր, բայց ոչ միանշանակ»,- Մովսիսյանի խոսքը մեջբերում է «Чемпионат»-ը:
Հիշեցնենք, որ «Ռեալ Սոլթ Լեյքի» հետ հայ հարձակվողի պայմանագիրը նախատեսված է մինչեւ այս տարվա ավարտը: Նրա տրանսֆերային իրավունքը պատկանում է «Սպարտակին»: MLS-ի ընթացիկ առաջնությունում Յուրա Մովսիսյանը մասնակցել է 18 խաղի եւ խփել 7 գոլ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.