Ռոնալդուի առաջին «մարզչական» հաղթանակը
15:45 11 հուլիսի, 2016Պորտուգալիայի հավաքականի առաջատար Կրիշտիանու Ռոնալդուն, չկարողանալով շարունակել ֆրանսիացիների դեմ Եվրո-2016-ի եզրափակիչ խաղը, պահեստայինների նստարանին շատ ակտիվ էր եւ ոչ մի բանով հետ չէր մնում թիմի գլխավոր մարզիչ Ֆերնանդու Սանտուշից:
Եվրոպական պարբերականները կատակել են, որ Մադրիդի «Ռեալի» հարձակվողը նորամուտը նշեց մարզիչի պաշտոնում: «Ռոնալդուն առաջինն է, որը Եվրոպայի չեմպիոն է դառնում միաժամանակ մարզիչի ու ֆուտբոլիստի կարգավիճակում»,- կատակում են կայքերը:
Հիշեցնենք, որ Փարիզի «Ստադ դե Ֆրանս» ստադիոնում կայացած եզրափակիչում պորտուգալացիները լրացուցիչ ժամանակում նվազագույն հաշվով հաղթել էին Ֆրանսիային՝ պատմության մեջ առաջին անգամ դառնալով Եվրոպայի չեմպիոն: Պորտուգալիայի հավաքականը 25-րդ րոպեից խաղում էր առանց Ռոնալդուի, որը ծնկի վնասվածքի պատճառով պատգարակով լքել էր խաղադաշտը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.