Եվրո-2016. Ֆերգյուսոնը տրիբունայում շնորհավորել է Ռոնալդուին (ֆոտո)
14:40 11 հուլիսի, 2016«Մանչեսթեր Յունայթեդի» լեգենդար գլխավոր մարզիչ Ալեքս Ֆերգյուսոնը ներկա է եղել Ֆրանսիայի եւ Պորտուգալիայի հավաքականների միջեւ Եվրո-2016-ի եզրափակիչ խաղին, գրում է Daily Mail-ը:
Փարիզի «Ստադ դե Ֆրանս» ստադիոնում կայացած հանդիպումից հետո շոտլանդացի մասնագետն անձամբ է շնորհավորել Մադրիդի «Ռեալի» եւ Պորտուգալիայի հավաքականը հարձակվող Կրիշտիանու Ռոնալդուին, որը եզրափակիչում 25-րդ րոպեին փոխարինվել էր վնասվածքի պատճառով: Ռոնալդուն 2003-2009-ը «Մանչեսթեր Յունայթեդում» խաղացել է Ֆերգյուսոնի գլխավորությամբ:
Հիշեցնենք, որ Եվրո-2016-ի եզրափակիչում պորտուգալացիները լրացուցիչ ժամանակում հաղթել էին նվազագույն հաշվով՝ պատմության մեջ առաջին անգամ դառնալով Եվրոպայի չեմպիոն: Պորտուգալիայի հավաքականը Ֆրանսիային նախորդ անգամ հաղթել էր 41 տարի առաջ, իսկ վերջին 10 խաղերում հաջողությունն ուղեկցել էր ֆրանսիացիներին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.