Պորտուգալիայի նախագահը շքանշան կհանձնի ֆուտբոլիստներին, Ֆրանսուա Օլանդն ընթրիքի է հրավիրել ֆրանսիացիներին
13:45 11 հուլիսի, 2016Պորտուգալիայի նախագահ Մարսելու Ռեբելու դե Սոուզան ազգային հավաքականի ֆուտբոլիստներին կպարգեւատրի երկրին մատուցած ծառայությունների համար:
Ֆրանսիայում ավարտված Եվրո-2016-ում տարած հաղթանակի համար Պորտուգալիայի հավաքականի ֆուտբոլիստները կարժանանան երրորդ աստիճանի շքանշանի, գրում է Record-ը:
Աղբյուրը նշում է, որ շքանշաններ հանձնելու որոշումն արդեն կայացված էր, մնում էր միայն պարզել դրանց աստիճանը:
Ֆրանսիայի նախագահ Ֆրանսուա Օլանդն էլ, չնայած եզրափակիչում կրած պարտությանը, ընթրիքի է հրավիրել ազգային հավաքականի ֆուտբոլիստներին ու մարզիչներին, ինչպես նաեւ երկրի ֆուտբոլի ֆեդերացիայի նախագահ Նոել Լե Գրեին: Երկրի ղեկավարը ֆուտբոլիստներին կընդունի հուլիսի 11-ին Ելիսեյան պալատում:
Հիշեցնենք, որ Փարիզի «Ստադ դե Ֆրանս» ստադիոնում կայացած եզրափակիչում պորտուգալացիները լրացուցիչ ժամանակում նվազագույն հաշվով հաղթել էին Ֆրանսիային՝ պատմության մեջ առաջին անգամ դառնալով Եվրոպայի չեմպիոն: Պորտուգալիայի հավաքականը 25-րդ րոպեից խաղում էր առանց Մադրիդի «Ռեալի» հարձակվող Կրիշտիանու Ռոնալդուի, որը վնասվածքի պատճառով չկարողացավ շարունակել խաղը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.